Pas kundërvënies së Maqo Lakrorit ndaj Edi Ramës për kufizimin e mandatit të kryetarit të partisë që të mos kandidohet tre herë një kryetar, ka reaguar dhe deputetja Arta Dade.
Ajo ka reaguar duke kërkuar një datë për zgjedhjen e kreut të ri të PS-së. Madje ajo ka ngritur tonin e zërit për një propozim të sajin të një grupi delegatësh, i cili nuk është marrë parasysh në punimet e Kongresit.
Dade tha se propozimi është që të caktohet data e zgjedhjes së kryetarit të PS¬së sipas parimit 1 anëtar 1 votë, por kjo kërkesë u la në hije, pasi nuk u votua rendi i ditës për Kongresin. Dade tha se kërkesa e saj, Hafizit dhe një grupi delegatësh është që të zbatohet statuti aktual i PS¬së përpara se të bëhen ndryshimet.
Partia Socialiste mblodhi sot forumin e saj më të rëndësishëm, Kongresin e PS¬-së. Në këtë eveniment të rëndësishëm të PS¬-së mësohet se ishte ftuar dhe ish¬kryetari historik i Partisë Socialiste, Fatos Nano. Ky i fundit nuk është parë gjatë punimeve të Kongresit. Ajo që bie në sy është edhe mungesa e Kreut të PBDNJ¬së Vangjel Dule dhe aleati i koalicionit qeverisës, kreu i PDIU¬së Shpëtim Idrizi.
Rebelohet Arta Dade, ngre zërin pasi nuk i dëgjohen propozimet
Lajme të lidhura
TË GJITHA
