Parku i Liqenit/Në Prill nis aksioni i Bashkisë për prishjen e ndërtesave pa leje

Kryetari i Bashkisë së Tiranës, Erion Veliaj bëri me dije se në muajin Prill do të nisë prishja e mbi 100 ndërtesave pa leje zonën e Parkt te Liqenit , gjatë një aktiviteti sot për mbjelljen e 200 pemëve .

“Gjatë muajit prill Bashkia e Tiranës do të fillojë aksionin për prishjen e mbi 100 ndërtesave pa leje, të palegalizuara, të pahipotekuara, të cilat kanë zaptuar liqenin. Pas kësaj do të vendosim kufizime shumë të rrepta për të larguar gjithë lavazhet dhe gjithë parkingjet që kanë ngrënë copa të liqenit”, u shpreh Veliaj.

LEXO EDHE  Temperatura deri në 40 gradë, ja si do të jetë moti sot

Më qëllim mbrojtjen e parkut, Veliaj bëri me dije se Bashkia ka vendosur të mbyllë të gjitha hyrjet për mjetet motorike, përfshirë edhe hyrjen pranë fakultetit të Histori-Filologjisë.

“Më duket e paarsyeshme që në 4 vitet e fundit kanë lulëzuar më shumë kafet, parkingjet, lavazhet dhe të gjitha hapësirat e zëna në mënyrë të paligjshme, se sa këndet e lojërave për fëmijë apo hapësirat për të mbjellë pemë dhe drurë në Parkun e Liqenit”, u shpreh Veliaj.



PËRGJIGJU

Please enter your comment!
Please enter your name here