Gjykata e Tiranës ka dhënë masën e sigurisë “arrest me burg” për grabitësin e taksistit, i arrestuar dy ditë më parë.
Eduard Budini pranoi krimin në Gjykatë, duke theksuar se kishte shkuar për t’i kërkuar falje taksistit, por nuk e kishte gjetur.
“Vajta t’i kërkoja falje taksistit, por nuk e gjeta.”– u shpreh Budini.
Pamjet filmike të regjistruara nga kamerat e taksisë tregonin qartë momentin kur Budini i nxjerr armën dhe e kërcënon taksistin, duke i kërkuar paratë dhe një unazë floriri në gisht. Këtë të fundit, taksisti nuk pranoi t’ia jepte.
