Eneda Tarifën e kanë kthyer me ‘shpatulla pas murit’ jo pak komentues në rrjetet sociale, e ndërsa me shumë kërshëri u prit realizimi i klipit, për të cilën shkaktoi kritika të shumta.
Klipi ka kushtuar vetëm 5 mijë euro dhe veshja e këngëtares nuk ka asnjë element me telenovelën “Bidai”, për të cilën thanë se ka një ngjashmëri të madhe.
Për paskuintat e realizimit të klipit, dhe si do të shfaqet në performancën e saj në Eurosongun që do të mbahet në maj në Suedi, tregon më shumë drejtori i RTSH-së, televizionit që mundëson përfaqësimin e Shqipërisë në Eurosong, Martin Leka.
“Përshtypjet e para janë të mira. Klipi kushtoi 5 mijë euro dhe për ata që s’e kanë pëlqyer, unë jam indiferent. E them këtë pasi përderisa ata që bëjnë këtë veprim me një dislike, nuk janë të zgjuar të kuptojnë se çfarë simbolizon ai “kapuçi i kuq”, që Eneda vendos në kokë. Pra deri kur të kuptojnë se ç’do të thotë “duvak”, një mbulesë që vendosnin nuset shqiptare dikur në kokë, s’kam ç’them. Autorët e këngës dhe regjisori e menduan si element, por që në rrjetet sociale u keqkuptua, duke u krahasuar me veshjet e serialit indian “Bidaii”.
Në lidhje me faktin se si do të jetë perfomanca në Eurovizion e Eneda Tarifës, Leka përgjigjet. “Nuk di të ketë koreografi. Eneda do të jetë në qendër dhe tre backvocalet. Mund të them që do të ketë efekte në skenë, ndërsa veshja është surprizë. Sa për pritshmëritë, ne synojmë një përfaqësim origjinal, dinjitoz të Shqipërisë. Shpresojmë në mbështetjen e gjithë shqiptarëve që jetojnë jashtë kufijve tanë politike”, tha ai.
(Boldnews)
