U bënë disa herë që përsëritet. Sapo bie fjala për reformën në drejtësi, edhe Rama edhe më pas Majko dhe së fundi këtë të enjte Taulant Balla, po artikulojnë të njëjtin refren: “Nëse nuk e votoni reformën, do të ketë zgjedhje të reja”. Jo një milionë shpulla por një milionë e 100 mijë u tha sot Balla kolegëve të tij demokratë.
Po çdo të thotë ky kërcënim me zgjedhje të reja? Ç’lidhje kanë ato me reformën në drejtësi?
Në fakt po ti hysh analizës çuarja e vendit drejt kutive të votimit për shkak të dështimit të reformës mund të kishte kuptim vetëm moralisht. Jemi votuar për këtë dhe ngaqë nuk e arritëm i kërkojmë popullit të na rivotojë. Por një koalicion, i ngjizur në 1 prill ka shumë pak skrupuj moralë. Ndaj pyetja për të është: A ka fitime paraktike?
Vështirë të thuhet nëse e majta do të fitonte më shumë se 1 milionë vota,. Vështirë të thuhet gjithëashtu se ajo do mundet ndonjëherë 2/3 e pzrlamentit për ta votuar vetë reformën.
Ndaj dilema është: pse duhen këto zgjedhje kur ato rrezultojnë të padobishme për të zgjidhur problemin që do i shkaktonte ato?
Duke ngritur këtë dyshim lind edhe një hamendësim tjetër: Mos vallë dështimi i reformës është mbulesa e provokimit të zgjedhjeve dhe shkaku i saj real është një tjetër? Mos vallë shkaku real është në marveshjen e fshehtë Rama Meta për ti dhënë këtij të fundit presidencën? Mos duhet marë seriozisht fjala e hapur në PS se është Meta ai që poi a imponon Ramës zgjedhjet e parakohëshme?
Dihet se zgjedhjet e presidentit të Republikës bëhen në javët e fundit të parlamentit actual Nëse do të kapë postin e kreut të shtetit, Ilir Meta mendon se do bëhet vetë president, por do heqë dorë nga drejtimi i fushatës së LSI-së. Prandaj ai ndoshta po mendon që fushata të bëhet përpara zgjedhjeve presidenciale, që ai të udhëheqë më parë fushatën e LSI-së dhe më pas të shkojë i sigurtë dhe i fortë drejt postit që ëndëron.
Vetëm ky mund të ishte një version se përse eksponentë të lartë socialist po artikulojnë opsionin e zgjedhjeve të parakohshme, gjoja për arsye të dështimit të mundshëm të reformës në drejtësi./Lapsi.al
