Janë dy emra që opozita nuk mund t`i pranojë në parlament, Rakip Suli dhe Valentina Leskaj. Ka nisur kështu deklaratën e tij ish-kryeministri Sali Berisha pas daljes nga parlamenti, se opozita nuk do të pranojë këta dy deputetë pa u zbatuar vendimi në Gjykatën Kushtetuese për mandatin e tyre.
“Në këtë situatë parlamenti bëhet absolutisht i papranueshëm dhe opozita ose do të zbatojë vendimet e kushtetueses ose nuk do të pranojë një parlament të tillë. I takon qytetarëve shqiptarë të thonë fjalën e tyre sepse ne këtu s’po bëjmë gjë tjetër veçse po mbrojmë interesat e tyre dhe të vendit. Kjo që ndodh me këtë shumicë, asgjësimi i ligjit të konfliktit të interesit do të thotë ‘karta biankë’, do të thotë licencë për të gjithë pushtetarët e maxhorancës për të vjedhur kudo që ndodhen pasuritë publike të qytetarëve. Aspekti tjetër është bllokimi i reformës në drejtësi që po i bën kreu i meduzës së krimi, Rama, i cili nuk po lë manovër pa bërë, po të dini tratavitat që unë nuk i nxjerr dot tani, çfarë frike ka nga reforma në drejtësi. Në ëndërr nuk i del vetëm Sali Berisha por edhe Viktor Ponta që po dergjet në qeli
Berisha i është drejtuar deputetes Leskaj si “zonja lokomotivë” , ndërsa sa i takon opozitës nëse opozita po bën Gjykatën Kushtetuese pa një vendim për këtë çështje Berisha e mohoi. “Absolutisht, por derisa të marrë një vendim Kushtetuesja jemi të detyruar të mbrojmë. Madamë lokomotiva kujton se po mbron parlamentin”, tha ai.
