Ashtu siç ishte paralajmëruar shoqëria civile ka nisur protestën tek Liqeni Artificial për të kundërshtuar betonizimin e parkut.
Bashkia Tiranë ka nisur sot hedhjen e betonit në zonën ku do të ndërtohet këndi i lojrave për fëmijë, pavarësisht se Kryebashkiaku Veliaj kishte premtuar se në Park nuk do të kishte beton apo prerje pemësh, fotot tregojnë të kundërtën.
Për të kundërshtuar këtë, shoqëria civile u mblodh sot pasdite për të bllokuar punimet për “lumin” e betonit tek Parku i Liqenit Artificial. Ata do të jenë gjatë gjithë natës aty dhe do të ndërrohen me turne për të monitoruar situatën çdo minutë.
Ndërkohë grupe me nga 20-30 veta do të qëndrojnë pa lëvizur në zonën ku po bëhen punimet. Të pranishëm janë edhe punonjësit e Policisë Bashkiake.
