Gjatë takimit me të rinjtë në konkursin për Akademinë e Sigurisë, kryeministri Edi Rama ka deklaruar se do të ulet përqindja e numrit të grave dhe vajzave që do të përzgjidhen në këtë testim.
“50 % vajza dhe gra u përzgjodhen vitin e shkuar. Këtë vit do të përzgjidhen 30 % vajza dhe gra”, tha kreu i qeverisë.
Edhe pse ai i uroj vajzave dhe grave police suksese në sallën e Pallatit të Kongresit, ku zhvillohej testi për Akademinë e Policisë, iu drejtua atyre për t`i thënë se ndryshe nga viti i shkuar do të ketë një ulje të përqidjes së policeve.
“Policia e shtetit po bëhet një institucion që njerëzit e vlerësojnë dhe e duan. Dua t`i uroj sukses vajzave që janë këtu në sallë. Në kuadrin e kësaj reforme rrënjësore, aspekti i rritjes së numrit të vajzave në Policiinë e Shtëtit është kyç“, tha Rama.
Gjithashtu ai deklaroi se 6 kuota do të shkojnë për minoritetet. Nga ana tjetër në këtë test të rëndësishëm të Policisë së Shtetit, Rama tha se do të rritet edhe më shumë niveli mesatar i arsimit në Shqipëri. “Ne duam që policia të jetë me standarte, integritet, profesionalizëm si çdo polici e BE-së. Synojmë që policia e shtetit të jetë një trup i shkëlqyer dhe e dalluar në rajon” tha kreu i qeverisë Rama.
