Kryeministri Edi Rama në fjalën e tij në ceremoninë e testimit të të rinjve e të rejave për shkollën bazë të policies nuk la pa përmendur Lazaratin, si aksionin më reformator të policisë së shtetit kundër luftës së krimit.
Ai morri si shembull Lazaratin për t`i treguar të gjithë aplikantëve punën e shkëlqyer të policisë së shtetit në ditët e sotme dhe pas çdo aksioni të rëndësishëm të policisë së shtetit ai lavdëroi edhe njëherë punën e ministrit të Brendshëm Saimir Tahirit.
“Do ndiheni të goditur në rast se do të godisni. Ashtu siç po goditen sot zyrtarët që luftojnë krimin. Ka shumë arsye sot që krimi e ka vënë në lëvizje, e madje ta intesifikojë, baltën për të goditur policinë e shtetit duke bërë sikur po i dhimbset policia e shtetit. Lazarati ishte aty. Një oaz ku krimi ishte vendosur dhe ku askush nuk mendonte më se në të gjallët e vet, ajo oaz do të zhduket. Lazarati ishte një bandë që qarkullonte miliarda. Djegja e plantacioneve të mëdha dhe arrestimi i gangove lokalë ishte pjesa e dukshme e këtij aksioni. Ajo flakë dogji një bankë, paratë e së cilët nuk qarkullojnë më. Nuk kanë humbur fuqinë e tyre për të luftuar me maskat e politikës dhe medias. Dhe që krimi i polikës po përbalt emrin e përfaqësuesit më të lartë të policisë së shtetit. Kjo është domethënia më e madhe e suksesit në reformimin e policisë së shtetit. Një furi balte që po i kundërvihet reformës së policisë së shtetit”, tha kryeministri Rama.
Ndërsa për kamerat e sigurisë Rama tha se ato do të shtrihen në çdo territor të vendit jo vetëm në bluzat e punjonjësve të policisë.
Kryeministri foli edhe për revolucionin e Policisë së shtetit në ditët e sotme. “Policia e vjetër shqiptare ishte më e korruptuar, ndërsa sot pamja është e ndryshme. Ka hyrë në revolucionin e sistemit digital, gjë e cila e ka modernizuar atë.
