“Kjo është ekuivalente sikur një bombë të kishte shpërthyer në Debenhams, ose në Northampton, ose në rrugët e reja të Birmingham ose pse jo në Circus në Londër”, shkroi ai.
“Mund ta imagjinoni sikur të ketë qenë atje? Mund ta imagjinoni rrugën që ecni çdo ditë, në autobusët që përdorni çdo ditë, dhe ajo rrugë që e kaloni përnjëherë të zhduket”. “Në kundërshtim me atë që mendojnë shumë njerëz, Turqia nuk është Lindja e Mesme”, shton Taylor.
“Ankaraja nuk është një zonë lufte, është një qytet normal modern plot me jetë, ashtu si çdo kryeqytet tjetër evropian, dhe Kizilay është zemra absolute, qendra”. “Është shumë e lehtë për të parë sulmet terroriste që ndodhin në Londër, në New York, në Paris dhe të ndjehen dhimbje dhe trishtim për ato viktima, kështu që a nuk është e njëjtë për sulmin në Ankara?
“A është kjo për shkak se ju thjesht nuk e kuptoni se Ankaraja nuk është ndryshe nga këto qytete?” Ky është shpërthimi i tretë në kryeqytetin turk që nga tetori i vitit 2015.
Muajin e kaluar, një grup militant kurd kryen një sulm ndaj një autokolone ushtarake që vranë 28 persona. Në tetor, 103 persona u vranë dhe 250 u plagosën kur dy kamikazë kishin shënjestër një tubim paqësor. Taylor përfundon: “Ju ishit Charlie, ju ishit Paris, a do të jeni Ankaraja?”
(Boldnews)
