Policia e Shkodrës ka arrestuar një shtetas në flagrancë duke tranportuar me biçikletë granata e municione.
Në pranga ka rënë Prel (Brezart) Pllumbaj 28 vjeç, banues në Shkodër. Arrestimi i tij u bë për arsye se në lagjen “Ndoc Mazi” Shkodër, Pllumbaj duke lëvizur me biçikletë u konstatua me qese të dyshimta dhe pas kontrollit të ushtruar iu gjetën:
– 5 (pesë) granata difensive,
– 3 (tre) ndezësa,
– 645 fishekë model 56 të cilat u sekuestruan në cilësin e provës materiale.
Në kushtet e flagrancës u bë gjithashtu kontrolli i banesës së këtij shtetasi, ku u gjet dhe i’u sekuestrua në cilësinë e provës material një armë gjahu pa leje.
Materialet i kaluan për veprime të mëtejshme Prokurorisë së Rrethit Gjyqësor Shkodër për veprat penale të “Mbajtje pa leje të armëve luftarake e municionit” dhe “Prodhimi dhe mbajtja pa leje të armëve të gjuetisë”, parashikuar nga nenet 278/2 dhe 280 të Kodit Penal.
