Sllovenia ka prezantuar masa të reja kufitare për të reduktuar numrin e emigrantëve në kufi, në kuadër të përpjekjeve për të mbyllur rrugët ballkanike nga Greqia drejt Europës Perëndimore. Vetëm emigrantët që planifikojnë të kërkojnë azil në vend, ose ata që kanë nevoja humanitare urgjente do të lejohen të hyjnë.
Në reagim ndaj këtij veprimi, Serbia ka deklaruar se do të mbyllë edhe ajo kufijtë e saj me Maqedoninë dhe Bullgarinë për emigrantët pa dokumente të vlefshme.
Masat e fundit vënë në dyshim edhe lëvizjen e lirë në zonën Schengen
Sllovenia, që është vend anëtar i BE-së, është përdorur si tranzit nga emigrantët për të arritur Gjermaninë dhe shtete të tjera europiane.
Por kryeministri slloven Miro Cerar deklaroi se rruga ballkanase tashmë është tërësisht e mbyllur. Europa po përballet me krizën më të rëndë të refugjatëve që prej Luftës së Dytë Botërore.
Vitin e kaluar mbi 1 milion njerëz hynë ilegalisht në BE përmes detit, shumica e të cilëve sirianë që largoheshin nga lufta në vendin e tyre. e ardhmja e lëvizjes Schengen është vënë në dyshim.
Tetë vende anëtare, mes të cilave Austria, Hungaria dhe Sllovakia kanë përforcuar kontrollet në kufi, duke lënë mijëra emigrantë të bllokuar në Greqi.
Europa është duke përballuar krizën më të të rëndë të refugjatëve e shënuar që nga lufta e dytrë botërore. Më shumë se 1 milionë refugjatë kanë hyrë përmes rrugëve detare në vendet europiane.
