Deputeti i Partisë Socialiste, Taulant Balla ka fituar gjyqin në apel ndaj vajzës së ish-kryeministrit Sali Berisha, e cila e akuzonte për shpifje. Gjykata e Apelit me një trupë gjykimi të kryesuar nga Zamir Poda ka rrëzuar vendimin e Shkallës së Parë mbi padinë për shpifje të Argita Berishës.
Në këtë trup gjykuese bënte pjesë edhe Agim Bendo. Deputeti Taulant Balla kishte akuzuar Argita Berishën për korrupsion në rastin e biznesmenit Zafar Ansar për 3 milionë euro. Gjithashtu edhe për pagesat 144 milionë lekë në vit si pedagoge.
Për këto akuza, Balla është dënuar në 2013 nga gjykata e Tiranës me 5 milion lekë të vjetra për shpifje, shumë që duhet t’ja jepte Argita Berishës. Nga ana tjetër, vajza e ish-kryeministrit i kishte kërkuar si dëmshpërblim shumën prej 25 milion lekë të vjetra.
(Boldnews)
