Nuk ka ende një marrëveshje mes banorëve që preken nga ndërtimi i Bulevardit të ri dhe Bashkisë. Ata kanë dalë sot në protestë para bashkisë, duke kërcënuar me mosbindje civile. Sipas tyre kryebashkiaku Erion Veliaj nuk ka pranuar ndërtimin e një pallati për strehimin e tyre duke deklaruar se do të zbatojë ligjin.
“Duam që të na shpronësohen tokat dhe shtëpitë. Duam të shtyhet afati për prishjen e banesave. Veliaj na tha që do të zbatojë ligjin dhe kundërshtoi ndërtimin e pallatit për të na strehuar. Ne nuk do të lejojmë prishjen e banesave tona. Apel kryeministrit dhe trupit diplomatik të na gjejë zgjidhje për të drejtën tonë”, kanë thënë banorët.
Kjo nuk është protesta e parë e tyre. Banorët thonë se çmimi për shpronësimin e tyre është qesharak duke kërkuar shpronësimin sipas ligjit të qeverisë Berisha.
(Boldnews)
