Një aksident i rëndë rrugor ka ndodhur paraditen e sotme në autostradën Tiranë-Durrës, pranë Xhafzotaj. Një person është përplasur nga një makinë teksa tentonte të kalonte trafikndarësen për në anën tjetër të rrugës. Përplasja ka qenë fatale, por këmbësori ka ndërruar jetë në pritje të ambulancës dhe policisë, të cilat sipas të pranishmëve, janë vonuar.
“Askush nuk erdhi për ta ndihmuar, policia vjen pas 30 minutave dhe ambulanca pas një ore dhe askush nuk e dinte nëse është i vdekur apo i gjallë”, ka thënë një nga të pranishmit në vendngjarje.
Ai tha më tej për Jetaoshqef.al se, kalimtari është përplasur dhe më pas është marrë zvarrë nga shpejtësia e madhe.
“Kalimtari po rrinte, nuk po kalonte akoma, u ruajt pak dhe pastaj në fillim e kapi lehtë makina pastaj e mori zvarr nga shpejtësia madhe rreth 200 metra zvarrë a me shumë. Dhe askush nuk erdhi për 40 minuta, që policia ishte aty pranë e nuk erdhi”, u shpreh ai.
Ndërsa policia bën me dije se drejtuesi i mjetit që ka shkaktuar aksidentin është Orges Sina, i cili është dërguar në komisariat për të sqaruar rrethanat në të cilat ka ndodhur aksidenti. Shikoni videon, e cila tregon momentet pas aksidentit dhe thirrjet e dëshpëruara të aksidentuarit për ndihmë.
(Boldnews)
