Dhjetra përfaqësues të shoqërisë civile u ndaluan forcërisht për të hyrë në zonën e Liqenit Artificial, aty ku po kryeheshin punimet për ndërtimin e Parkut të Lojërave.
Protestuesit kërkuan që të hynin në zonën e rrethuar për të mbuluar zhavorrin e hedhu si dhe për të ngritur çadrat në shenjë revolte, por hasën në kundështimin e forcave të policisë bashkiake.
Sipas njoftimit të Policisë së Shtetit, si pasojë e përplasjes së dhunshme kanë humbur ndjenjat një polic i Bashkisë së Tiranës, D.Hardhia, 35 vjeç dhe një qytetar I.M, 31 vjeç. Një autombulancë mbërriti menjëherë në vendngjarje dhe mori të lënduarit duke i dërguar për mjekim me spital.
Ndërkohë nga forcat e policisë është shoqëruar në Komisariatin Nr.1 një student nga Kosova, Aranit Beqiri, 20 vjeç, i cili dyshohet t’i ketë rënë me grusht policit bashkiak. Gjithashtu është shoqëruar dhe një nga aktivistët, Zirkon Disha. Nga ana e Policise po kryhen veprimet hetimore.
Të dy u dërguan në spital për të marrë ndihmën mjekësore. Pamjet filmike tregojnë momentet e përplasjes së dhunshme.
