Me fishkëllima dhe me të bërtitura, aktivistë të shoqërisë civile kanë refuzuar praninë e deputetëve demokratë Arben Ristani dhe Flamur Noka. Këta të fundit vizituan në ambientet e komisariatit nr. 1 të shoqëruarit për protestën e ditës së sotme tek Liqeni Artificial.
Por kjo nuk ishte një situatë e përshtatshme për zyrtarët, pasi aktivistët që ndodheshin jashtë kërkuan largimin e tyre duke kundërshtuar politizimin e çështjes.
Kur përfaqësuesit e PD dolën nga komisariati, aktivistët i janë drejtuar me fjalët: “Turp, turp, turp…” dhe i shoqëruan me fishkëllima drejt makinës luksoze BMW të ish ministrit Flamur Noka.
Të rinjtë që protestojnë për ndalimin e betonizimit të Liqenit Artificial, shpeshherë kanë kërkuar nga politika që të distancohet. Këtë e bën sot dhe kanë paralajmëruar se do ta bëjnë përsëri ndaj çdo zyrtari që tenton t’u afrohet për përfitim politik. Video më poshtë tregon momentet kur dëbohen deputetët e PD :
