Tsikahnouskaya: Bjellorusia në një pikë pa kthim
Udhëheqësja e opozitës bjelloruse, Sviatlana Tsikhanouskaya tha të mërkurën se protestat në vendin e saj nuk do të fashiteshin dhe se nuk ka më kthim pas. Zonja Tsikhanouskaya, e cila ndodhet në mërgim që pas zgjedhjeve të 9 gushtit foli në Varshavë. Ndërkohë Shtetet e Bashkuara dënuan përpjekjet e qeverisë bjelloruse për të dëbuar me forcë aktivisten e opozitës, Maria Kolesnikova. Zonja Tsikhanouskaya tha se zërat e bjellorusëve ishin vjedhur në zgjedhjet presidenciale të 9 gushtit, që sipas rezultateve zyrtare u fituan nga Aleksander Lukashenko me 80% të votës. Udhëheqësja e opozitës bjelloruse, Sviatlana Tsikhanouskaya viziton Poloninë më 9 shtator 2020 "Nuk ka dyshim se për kë votuan bjellorusët. Unë e di që u zgjodha si presidente e republikës së Bjellorusisë por duke qenë se të gjitha zërat u vodhën, nuk mund ta provojmë”, tha zonja Tsikhanouskaya. Ajo shtoi se bjellorusët ishin në mes të luftës së tyre. ...
Lexo më shumë
