E ftuar në Task Force në SYRI TV, ish-drejtoresha e Tatimeve, Brisida Shehaj, ka folur për amnistinë fiskale të prezantuar nga qeveria e Edi Ramës, e cili do legalizojë deri në 2 milionë euro.
Shehaj ka theksuar se kjo është mënyra se si Rama do të marri mandatin e katërt duke e kthyer Shqipërinë në një lavatriçe të madhe të parave të pista.
“Kjo është forma që këta kanë zgjedhur që ta kthejnë Shqipërinë në një parajsë fiskale në zemër të Europës, të legalizojnë paratë dhe është e thjeshtë historia. Këta duan të legalizojnë paratë e tyre dhe paratë e drogës në këtë vend.
Përveç se janë në hall të madh se sot Shqipëria është kthyer në lavatriçe të madhe dhe tashmë do fillojnë të vriten me njëri tjetrin për këto paratë që kanë futur te njëri tjetri.
Kjo është mënyra se si do të fitojnë mandatin e katërt. I pe ovacionet e çuanve të Londrës. Janë zgjedhjet lokale vitin tjetër, është mandati i katërt për tu marë. Duhet ti bind të gjithë se nesër nuk shpëton”, tha Shehaj.
