Fallou Diagne është tashmë zyrtarisht lojtari më i ri i klubit nga India, Chennaiyin. Ish-Mbrojtësi i Vllaznisë në Superiore ka ndjekur të njëjtën rrugë me ish-trajnerin e shkodranëve.
Thomas Brdaric ka marrë drejtimin e Chennaiyin ndërsa mori me vete edhe mbrojtësin 32-vjeëarë të cilin e ka pasur nënurdhrat e tij te kuqeblutë.
Vetë senegalezi u shpreh tejet i lumtur për këtë aventurë të re ndërsa theksoi se do të japë maksimumin për të ndihmuar skuadrën të fitojë trofe.
“Jam shumë i emocionuar pasi për mua është hera e parë që luaj në Indi. Jam shumë i lumtur që i bashkohem klubit të Chennaiyin, shpresoj t’i sjell diçka të re skuadrës dhe ta ndihmoj të fitojmë trofe”, u shpreh Diagne.
