Nënë e bir kanë humbur jetën sot në qytetin e Beratit, pasi makina me të cilën udhëtonin ka dalë nga rruga e ka përfunduar në lumin Osum.
Ngjarja e rëndë ndodhi në rrugën urbane “Antipatrea”, pranë vendit të quajtur “Ura e re”.
Sipas policisë, Klaudja Xhaferraj, duke drejtuar mjetin tip “Benz” ka humbur kontrollin dhe ka rënë në lumë. Për pasojë ka ndërruar jetë ajo dhe djali 6 vjeç.
Dëshmitarët kanë thënë se fëmija kishte vigon në dorë dhe dyshohet se ai dhe nëna mund të kishin bërë një vizitë në spital.
Aksidente të ngjashme janë shënuar edhe më herët në Berat, pasi rruga ngjitur me lumin Osum nuk ka mbrojtëse anësore.
