Kryetari i Partisë Demokratike Sali Berisha ka pritur në një takim, bashkëthemeluesin e Ligës Qytetare Shqiptaro Amerikane me Joseph Dioguardin dhe veprimtarin e shquar të Shoqatës atdhetare Shqiptaro -Amerikane, Vatra, Agim Aliçkaj.
Njoftimin për këtë takim e ka bërë në faqen e tij në facebook vetë lideri historik i demokratëve.
Ja postimi i plotë:
Të dashur miq,
Unë prita në një takim të veçante personalitetin e shquar të diasporës tonë, bashkëthemeluesin e Ligës Qytetare Shqiptaro Amerikane me Joseph Dioguardin dhe veprimtarin e shquar të Shoqatës atdhetare Shqiptaro-Amerikane, Vatra.
Në takim, unë i shpreha zotit Aliçkaj mirënjohjen time për kontributin e çmuar të tij dhe familjes së tij dhe të Lidhjes Qytetare Shqiptaro – Amerikane dhe Vatrës në mbrojtjen e çeshtjes Kombëtare, çlirimin e Kosovës dhe demokracisë në Shqipëri.
Një falënderim të veçantë i bëra zotit Agim Aliçkaj për sponsorizimin dhe promovimin e librave të Profesor Nusret Pllanës kushtuar genocidit ciklik serb, të filluar nga mesi i shekullit të 19-të deri në fundin e shekullit të 20-të.
Në takim diskutuam lidhur me situatën e vështire që po kalon kombi shqiptar sot pas shndërrimit të Tiranes nga Edi Rama, vasal i serbomadhit Vuçiç, në Beogradin e Vogël.
Biseda ishte e hapur dhe kaloi me mirëkuptim të plotë. #sb
