Një foshnje pesë muajshe është qëlluar për vdekje me armë zjarri mbrëmjen e djeshme në Çikago, SHBA.
Sipas mediave të huaja, foshnja ndodhej në sediljen e pasme të një makinë në momentin tragjik, kur u qëllua nga arma e zjarrit.
Mësohet se autori e qëlloi foshnjën nga një makinë tjetër dhe për fat të keq foshnja ka ndërruar jetë në spital. Nga ngjarja e përgjakshme ka mbetur i plagosur edhe një 41 -vjeçar , i cili udhëtonte në një mjet tjetër. Sipas policisë së Çikagos, 41-vjeçari ka marrë një plumb pranë syrit.
Deri ma tani nuk ka asnjë të arrestuar dhe nuk dihen motivet e krimit. Megjithatë mediat i bëjnë apel autorit të dorëzohet për të shpëtuar ndërgjegjen.
Aktivistët dhe një kandidat për kryetar bashkie në zonë ofrojnë një shpërblim prej 5.000 dollarësh për këdo që ka informacione që mund të çojnë në kapjen e autorit.
