Një përleshje me thika ka ndodhur në mes të ditës në Rio Marin të Venecias.
Dëshmitarët kanë thënë se bëhet fjalë për sulm në mes të shqiptatëve, shkruajnë mediat italiane.
Ka dyshime se shqiptarët janë tregtarë të drogës. Një nga të plagosurit është dërguar me plagë në spital.
Ngjarja ka ndodhur sot rreth orës 12:30 minuta dhe e gjithë skena është parë nga kalimtarë të zonës.
Dy shqiptarë kanë sulmuar bashkëkombasin e tyre. Shqiptari që u sulmua ka tentuar të shpëtojë duke u vetëhedhur në ujin e kanalit.
Por, dy të tjerët e kanë kapur dhe e kanë rrahur, e madje e kanë goditur me thikë.
I dëmtuari është shtruar në spital e është jashtë rrezikut për jetën. Të tjerët arritën që të ikin kur mbërriti policia.
Karabinierët nisën hetimet për atë që ka ndodhur.
