Një konflikt mes dy të rinjve ka përfunduar me plagosje në qytetin e Kuçovë, në qarkun e Berat.
Sipas informacioneve paraprake, një 17-vjeçar ka goditur me mjet prerës një 19-vjeçar, pas një sherri për motive të dobëta.
I plagosuri është dërguar për mjekim në spital dhe, sipas të dhënave, ndodhet jashtë rrezikut për jetën.
Ngjarja vjen pak kohë pasi i mituri Erion Boba, humbi jetën pasi u plagos me thikë nga një bashkëmoshatar.
“Specialistët e Seksionit për Hetimin e Krimeve në Komisariatin e Policisë Kuçovë referuan materialet në Prokurori për një shtetas të mitur, 17 vjeç, banues në Kuçovë, pasi gjatë një konflikti për motive të dobëta ka goditur me mjet prerës një shtetas 19 vjeç, i cili mori mjekim në spital dhe ndodhet jashtë rrezikut për jetën”, thuhet në njoftimin e policisë.
