Nga Boldnews.al
Kryetari i Bashkisë së Tiranës, Erion Veliaj, po mendon për “hallet” e deputetëve. Në vend që të bëjë parqe brenda zonave të banimit, apo të paktën mos t’i betonojë edhe ato pak që kanë mbetur, kryetari mendon për freskimin e ligjvënësve. Ose më saktë, të atyre që i bëjnë ligjet për vete, për familjarët apo për bashkëpunëtorët e tyre.
Sipas dokumenteve që disponon redaksia e BoldNews.al, Agjencia e Parqeve dhe Rekreacionit, një institucion në varësi direkte të Bashkisë së Tiranës, ka hapur një tender për vaditjen e disa lulishteve. Por, ajo që bie në sy është lulishtja pranë Parlamentit, oazi i deutetëve, të cilët pas seancave të gjata, shlodhen në hapësirën e gjelbër aty pranë. Po për banorët e Tiranës, kush mendon?! Natyrisht Lali Eri, po kësaj herë në anën e kundërt. Ai po mendon dita-ditës që edhe ato pak hapësira të gjelbërta t’i bëjë pallate.
Sipas dokumenteve që disponon BoldNews.al, Agjencia e Parqeve dhe Rekreacionit ka hapur një tender me objekt “ndërtim-montim i rrjetit të ujitës me sprucim”. Nisur edhe nga objekti, nuk bëhet fjalë për sistemet vaditës të fshatrave të Tiranës, atje ku bëhen perimet apo drithrat dhe kanë nevojë urgjente për ujë të pijshëm. Por, sistem vaditës për lulishtet pranë ligjvënësve. Në dokumente thuhet se vlera e këtij tenderi është 25 000 000 lekë pa TVSH, ose rreth 250 mijë euro. Tenderi është firmosur nga drejtuesja e Agjencisë së Parqeve dhe Rekreacionit.
BoldNeës.al hulumtoi dokumentet e tenderit, ku shkruhet se bëhet fjalë për projektin për ndërtimin e një sistemi ujitje automatik me pus të sipërfaqes 8573 m² në lulishten “Fan Stilian Noli” pranë Parlamentit. “Ky projekt synon të rrisë cilësinë e vaditjes ne kete lulishte” thuhet në këto dokumente.
Në dokumente, Agjencia e “Binjakut” të Veliajt shkruan se metoda e vaditjes me spërkatje dhe pika, përbën metodën më të përdorur në frutikulturë, në ortikulturë, në serra dhe fidanishte për të cilat kryesore është kursimi i ujit. Por, në Parlament nuk po rriten perime, drithëra apo pemë frutore, por frymojnë ata që po zhvasin këtë vend!
Sipas Bashkisë së Tiranës, ndërtesa është një projekt i vitit 1955, ndërsa projekti u hartua në bazë të projektit të godinës ekzistuese (Lidhja Kulturore), në mënyrë që dhomat e kësaj godine të shërbenin si lidhje me godinën e re, pra si zyra të administratës së Kuvendit Popullor. Ndërsa më tej shkruan se “pjesë e sheshit të Parlamentit është edhe lulishtja ‘Fan Stilian Noli’”, për të cilën po investohen 250 mijë euro për systemin vaditës me sprucim.
