Deputeti demokrat Dashnor Sula ka shprehur kritika të forta ndaj Qeverisë Rama, lidhur me mos marrjen e masave për të ndihmuar qytetarët për të përballuar krizën ekonomike në vend.
Sula tha se në kohë krize xhepat e qytetarëve po zbrazen, ndërsa ato të qeveritarëve pasurohen.
“A fle e qetë mazhoranca kur në këtë periudhë krizash në Shqipëri qeveria pasurohet dhe qytetarët varfërohen?
Nuk e them këtë për të bërë politikë, por sipas INSTAT në këtë periudhë krizash keni grumbulluar 342 mln euro.
Këto para përse nuk shpërndahen ashtu siç duhet? S’mund të ketë logjikë që të varfërohet xhepi i qytetarit dhe të pasurohet i pushtetit.
Familjarët tanë a paguajnë çdo ditë më shumë, a keni marrë masa për të ndihmuar këto qytetarë… Zero.
Paketa e rezistencës që ju thoni a e dini që është 0.3 % e prodhimit të brendshëm bruto. A ka logjikë që qytetarët të blejnë me çmime kaq të shtrenjta”, tha ai.
