Milani fitoi titullin e Italisë pas 11 vitesh pritje, pas së cilës tifozët prisnin përforcime të mëdha.
Kuqezinjtë kanë arritur një marrëveshje me Divocki Origi dhe Renato Sanches, por zyrtarizimi është në pritje për shkak të një ndryshimi në strukturën e pronësisë në klub. Kjo mund të çojë në një dështim në negociatat me të dy.
Teksa në klub priten emra seriozë, Milani ka angazhuar përforcimin e parë për të mbërritur te klubi nga Irlanda. Bëhet fjalë për Cathal Heffernan.
Mbrojtësi 17-vjeçar u ble nga Cork City atje. Ai ishte i huazuar në Milano dhe më pas u kthye në Irlandë.
Megjithatë, kuqezinjtë e blenë sot dhe ai u bë përforcimi i parë për sezonin e ardhshëm.
Transferimi befasoi shumë pasi Irlanda nuk është konsideruar asnjëherë si një “pellg” futbollistësh të talentuar që shkojnë në ligat më të forta në botë dhe sidomos jo për klubet italiane.
Nuk dihet ende shuma e transferimit, pra sa ka paguar Milani për shërbimet e irlandezit të ri.
