Kryeministri Edi Rama duket se ka humbur qetësinë me ata të cilët evidentojnë se raportet mes tij dhe homologut nga Kosova, Albin Kurti, janë të akullta.
Madje, Rama nuk ka nguruar që ti quajë ata qen, ndërsa tha se nuk ka çështje të hapura apo që s´merret vesh mes tij dhe Kurtit.
“Faleminderit edhe për ndalimin e shiut, se ka pasur herë pas here reshje.
Ishte një qen aty që lehte, por nuk lehu më, çka mbase jep një mesazh për të ngjashmit e tij në botën e njerëzve, që kërkojnë të fusin zakonisht xixa mes nesh dhe kërkojnë të shikojnë me patjetër çështje të hapura mes meje dhe homologut këtu.
Nuk ka të tilla, sepse ne jemi shumë të hapur dhe çështje për të cilat nuk merreshim vesh, kemi kënaqësinë e madhe t’i ndajmë duke u marrë vesh të mos merremi vesh. Kështu që me të falat përkatëse për qenin unë e konsideroj të hapur këtë mbledhje”, tha Rama
