Dy ministrat e Brendshëm, ai i Kosovës Xhelal Sveçla dhe ai i Shqipërisë Bledi Çuçi kanë nënshkruar marrëveshje për shkëmbimin e të dhënave në kohë reale për gjendjen civile.
Bledi Çuçi dhe Xhelal Sveçla, thanë se sot do të firmoset marrëveshja për bashkëpunimin në fushën e gjendjes civile.
“Shkëmbimin në kohë reale të të dhënave për gjendje civile të shtetasve të cilët janë martuar. Një shtetas i Kosovës çdo shtetas që martohet në Shqipëri do të njoftohet në kohë reale gjendja civile në Kosovë. Kjo për t’i ndërprerë rrugën çdo manipulimi që i shfrytëzojnë këto mundësi për t’ju shmangur drejtësisë.
Ky është një nga protokollet që do të shkëmbejmë të dhënat në kohë reale për të gjitha çështjet që mbulojnë dy qeveritë respektive. Do kemi marrëveshje të tjera në të njëjtën”, u shprehën dy ministrat.
Ndërkohë, nuk mungoi dhe batuta e kryeministrit Edi Rama, i cili pasi folën dy ministrat, tha se “lajm i mirë që edhe martesat do të bëhen me bekimin e ministrave të Brendshëm”.
