Çmimin e Madh të Kanadasë, që shënon garën e nëntë të këtij Botërori në Formula 1, e fiton Max Verstappen.
Piloti holandez i rezistoi sulmit të Carlos Sainz, duke e kaluar i pari vijën e finishit në cirkuitin e Montreal përpara Ferrarit të spanjollit dhe Mercedesit të Hamiltonit.
Vendi i katërt për Russell, i cili ia doli të mbante pas mes shumë vështirësish një Leclerc të jashtëzakonshëm.
Ai e nisi nga vendi i 19-të, por që ia doli të rikuperonte plot 14 vende, për të fituar në fund disa pikë të rëndësishme.
Me këtë triumf në Kanada, Verstappen shkëputet në krye me 175 pikë, i ndjekur nga Perez me 129 pikë.
