Deputetja demokrate Eralda Tase (Bano) e konsideron si skandal pajisjen me Certifikatë sigurie të motrës së Nuredin Dumanit, i kthyer në i penduar i SPAK, dhe që konsiderohet si një nga vrasësit me pagesë.
Deputetja demokrate shprehet se motra e vrasësit me pagesë Nuredin Dumani, personit që ka treguar dhjetëra krime të rënda në Prokurorinë e Posaçme SPAK, rezulton të jetë punonjëse e Ministrisë për Europën dhe Punët e Jashtme të Shqipërisë.
“Xhuljana Dumani është pjesë e këtij dikasteri, duke shërbyer në funksione të ndryshme, dhe së fundi Zyra e Sigurimit të Informacionit të Klasifikuar pranë Kryeministrisë, i ka dërguar asaj edhe certifikatën e sigurimit të personelit.
Xhuljana Dumani, shërben pranë Zyrës së Nën/rregjistrit të Informacionit të Klasifikuar për NATO-n në Ministrinë e Punëve të Jashtme.
Brenda pak ditësh 3 të lidhur me krimin nëpër institucionet e qeverisë më të poshtër të historisë”, shprehet ajo.
