Një sipërfaqe toke është sekuestruar në Porto Palermo dhe në pranga ka rënë “pronari” i saj, Robert Koçi, 60 vjeç, banues në Tiranë.
Koçi është shpallur në kërkim për veprat penale “Falsifikimi i dokumentave” dhe “Pastrimi i produkteve të veprës penale apo veprimtarisë kriminale”.
Mësohet se policia e Vlorës, në bazë të këtij proçedimi ka bërë sekuestrimin e një sipërfaqe toke prej 20.000 m2 toke në Porto Palermo, Bashkia Himarë, e cila është përvetësuar nga shtetasi i mësipërm nëpërmjet falsifikimit të dokumentave. Vlera e kësaj sipërfaqe toke shkon rreth 2.5 milion euro.
Sakaq lidhur me këto vepra penale, shtetasit Robert Koçi, i është caktuar masa e sigurisë “Arrest në burg”.
