Kryetari i PD-së, Sali Berisha, postoi në rrjetet sociale një foto nga takimi me bashkë-presidenten e Forumit Global të Bakusë.
“Me bashkë-presidenten e Forumit Global të Bakusë, Vaira Vike-Freiberga,” shkruan Berisha.
Vike-Freiberga është një studiuese e njohur e politikës ndërkombëtare. Ajo ka qenë presidente e Letonisë për dy mandate.
Ajo është përkrahëse e fuqishme e zgjerimit të BE-së.
Ndërkohë në këtë forum të lartë marrin pjesë presidentë dhe ish-presidentë nga e gjithë bota, kryeministra dhe ish-kryeministra si dhe disa nga drejtuesit më të lartë të OKB-së.
Po ashtu i pranishëm në samit është edhe kreu i Organizatës Botërore të Shëndetësisë.
