Sokol Azizaj u shpreh mbrëmjen e sotme në emisionin “Top Story” se SPAK po përdor mediat për rrjedhjen e informacionit.
Azizaj tha se po vazhdohet me praktikat e vjetra, kur informacionet i jepeshin mediave me synim paragjykimin e personave të caktuar.
“SPAK duhet të heqë dorë nga praktika të tilla, po synohet të krijohet ideja se personat që përmend Dumani janë të gjithv kriminelë apo të përfshirë në ngjarje kriminale, në njv kohë kur çdokush është i pafajshëm deri në vendimin e Gjykatës.
Ka ndodhur edhe më parë, kur nga prokuroria kanë rrjedhur informacione dhe kjo ndodh sepse nuk bëhen hetimet e plota, nuk i shkohet deri në fund hetimit, ndërkohë që opinioni publik përmes mediave krijon idenë se ky apo ai ështv kriminel apo i korruptuar”, tha Azizaj.
Ai tha se nga praktikat e tij e ka vërejtur këtë fenomen edhe në raste të ngjashme kur ka pasur të penduar, ndërkohë që gjatë gjykimit nuk ka dalë asnjë provë e re, asnjë zhvillim i ri përtej atyre që i janë dhënë mediave. Pse ndodh kjo? Sepse nuk hetohet thellë, atëherë zgjidhet kjo rruga e përdorimit të mediave”, tha Azizaj.
