Drejtuesi i një kamioni, i cili transportonte lëndë drusore, ka mbetur i plagosur si pasojë e një aksidenti që ndodhi pasditen e së enjtes pranë fshatit Shtepëz të Gjirokastrës.
Nga raportimet drejtuesi i mjetit, shtetasi F.H, ka humbur kontrollin dhe për pasojë automjeti ka dalë nga rruga duke përfunduar në një rrëpirë të pyllëzuar.
Është dashur ndërhyrja e ekipeve zjarrfikëse për të nxjerrë drejtuesin e mjetit, i cili është transportuar me helikopter drejt spitalit të Traumës në Tiranë, për shkak të plagëve të shumta.
