Një sherr mes një shoferi të autobusit urban të Unazës dhe një qytetari është regjistruar së fundmi në Tiranë.
Siç shihet edhe nga pamjet e publikuara nga “JOQ”, shoferi i autobusit godet me grushta qytetarin, i cili e akuzonte se për pak desh e kishte përplasur, kur ai po ecte me biçikletë.
Mirëpo shoferi nuk e ka pranuar këtë akuzë dhe i është vërsulur.
Ndërkohë qytetarë të tjerë përpiqen që t’i ndajnë.
Në vendngjarje, ka mbërritur dhe policia, por ende nuk dihet se çfarë masash janë marrë ndaj të dyve.
