Një i ri u arrestua nga policia e Gjirokastrës për veprën penale “Dhënia ndihmë për kalim të paligjshëm të kufijve”.
Ai u kap duke transportuar refugjatë me furgon.
“Specialistët e Seksionit për Hetimin e Trafiqeve të Paligjshme, në bashkëpunim me Komisariatin e Policisë Tepelenë, në bazë të informacioneve policore, kanë finalizuar me sukses operacionin policor ‘Road Guard 24’, si rezultat i të cilit u arrestua në flagrancë shtetasi L. A., 24 vjeç, banues në Shkodër. Gjatë operacionit, në aksin nacional Tepelenë-Memaliaj, shërbimet e Policisë kapën në flagrancë shtetasin L. A., duke transportuar me një automjet tip furgon, 26 emigrantë të paligjshëm nga vendet MENA, kundrejt fitimit”, njofton policia.
