Shtyhet seanca gjyqësore në Gjykatën e Posaçme për ish-kryebashkiakun e Lushnjës Fatos Tushe dhe bashkëpandehurit e tjerë.
Shkak është bërë mungesa e një anëtari të trupit gjykues.
Në seancën e kaluar, SPAK kërkoi 3.4 vite burg për Tushen me gjykim të shkurtuar. Ndërkohë për ish-nën kryetarin Gentian Nushin Prokuroria e Posaçme kërkoi 2 vite e 8 muaj.
Tushe u arrestua në fillim të korrikut të vitit të shkuar gjatë një operacioni të ndërmarrë me urdhër të SPAK.
Në pranga ranë edhe 10 zyrtarë dhe ish-zyrtarë të kësaj bashkie për abuzime me tenderin e pastrimit të kanalit vaditës në fshatrat e zonës.
