Deputeti Ben Blushi, nga foltorja e Kuvendit, lëshoi akuza të forta në drejtim të ministrit të Mirëqenies Sociale, Blendi Klosi.
Dy deputetët e majtë kanë qenë dhe miq të afërt më parë.
Teksa Blushi po kërkonte nga deputetet të tërheqin me urgjencë udhëzimin e KQZ që bllokon LIBRA në zgjedhjet parlamentare, deputeti numëroi gjithë akuzat në adresë të Rilindjes.
Në këtë moment nga vendi ka ndërhyrë ministri Klosi, duke iu drejtuar “injorant” e “budalla”.
Kaq ka mjaftuar që Blushi të shpërthejë ndaj Klosit: “Pusho, parazit ordiner që paguhesh 1 mijë euro në muaj nga Vangjush Dako, parazit, këta janë hajdutët e Rilindjes, parazit, e kam gjetur duke punuar për Meksin në 1996, mblidhte letrat, e ngjita në kat të dytë këtë halabak, vartësin e Vangjush Dakos. Shko në bashki merr rrogën në fund të muajit aty te rrënojat turke mos të hedh Vangjushi ndonjë kacidhe”.
