Tirana arriti të fitonte këtë sezon titullin e 26-të kampion duke siguruar matematikisht trofeun para përfundimit të edicionit futbollistik. Bardheblutë e drejtuar nga trajneri Orges Shehi tashmë janë në pritje për të mësuar kundërshtarin e mundshëm në turin e parë kualifikues të Champions League.
Fitimi i titullit kampion nuk rrit vetëm prestigjin e kryeqytetasve, por mbush ndjeshëm edhe arkën e klubit. Çdo ekip kampion merr nga UEFA 260 mijë euro për trofeun. 100 mijë euro vlen turi i parë kualifikues i Champions League, ndërsa eleminimi i mundshëm e çon në raundin e dytë kualifikues të Conference League. Edhe në këtë tur, Tirana përfiton minimalisht 100 mijë euro.
Në rast eleminimi do të marrë një bonus prej 350 mijë euro që në total i bie 810 mijë euro. Pra kaq të ardhura janë të sigurta për kampionët e Shqipërisë. Megjithatë drejtuesit po punojnë për të përforcuar skuadrën aty ku është nevoja, pasi pretendohen grupet e Conference League.
