Ndriçim Shtubina “vari këpucët në gozhdë” në fund të këtij sezoni, ndërsa sot është konfirmuar se 35-vjeçari do të marrë një drejtim tjetër në karrierën e tij sportive.
Në një postim në rrjetet sociale faqja e Egnatias ka postuar një foto të ish-mesfushorit dhe krahas saj shkruan se 35-vjeçari do të mbajë postin e drejtorit sportiv te skuadra e Rrogozhinës.
“Klubi është i lumtur t’ju bëjë me dije se Ndriçim Shtubina do të jetë drejtori sportive i Egnatias për sezonin e ardhshëm. Suksese kapiten!”-shkruhet në postimin e Egnatias.
Shtubina kaloi pjesën më të madhe të karrierës së tij te Vllaznia, ndaj në ndeshjet e fundit të sezonit që u mbyll disa ditë më parë ai zgjodhi të përshëndetet edhe me tifozët shkodranë, përveç atyre rrogozhinas.
