Ervin Salianji ka propozuar që PD të bojkotojë procesin e zgjedhjes së Presidentit.
I ftuar në emisionin “Të Paekspozuarit” në MCN TV, Salianji tha se nuk do të votojë asnjë propozim të Ramës dhe se PD duhet të bojkotojë procesin. Ai shtoi, se në rast se propozohet një kandidat që ka patur dikur lidhje me PD, ky kandidat do të jetë “i blerë”.
Kujtojmë se një nga kandidatët që po përfliten si propozime që PS do të bëjë, është Majlinda Bregu, dikus ish ministre në kabinetin Berisha.
“Jo vetëm që nuk do ta votoj (kanidatin e Ramës) por PD, në një proces ku u tallën, duhet ta mendojë mirë nëse do të jetë aty. Ky është akt i njëanshëm agresioni. Opozita duhet ta mendojë mirë duhet të jetë pjesë apo jo.
Jam kundër bojkotit, por në këta rast nuk është bojkot por është taktikë.
Rama merr edhe këtë që nuk i duhet.
President do të jetë Edi Rama. Ai do të tregojë që gjasme bën surpriza. Fakti që thotë, që gjasme ndonjë që mund të ketë qenë dikur… që ky është i opozitës, ai është person i blerë nga Edi Rama për të krijuar idenë e një përçarje të opozitës. Ky është agresion”, tha ndër të tjera Salianji në TPZ.
