Roland Bejko, i pranishëm në studion e Faxnews, u shpreh se Sali Berisha po mban në pushtet Edi Ramën.
Bejko tha se të shtunën kur pritet të votohet për Presidentin, mes votave mund të ketë edhe nga grupi i Berishës.
“PS do marri Presidentin. Është një institucion që Ilir Meta i dha një lloj identiteti. Ilir Meta është një politikan që nuk ia dorëzoi presidencën Ramës por bëri një lojë të fortë.
Edi Rama do e marrë edhe këtë institucion, që ka një rol onorifik dhe pushtet real nuk ka. Ramës i duhet ky pushtet. Opozita është në sherr, ka një luftë të brendshme dhe kjo i përshtatet Ramës. Opozita është në disfunksionalitet të plotë prej Sali Berishës. Ai e çau PD. Rama do ta ushqej debatin në PD.
Do na dali që Berisha bashkëpunon me Ramën duke marrë pjesë ne votim në ruandin e katërt. Berisha po e mban Ramën në pushtet përmes sherrit që ka futur brenda PD, tha Bejko.
