Pas gjashtë javësh, beteja e ashpër ligjore mes Johnny Depp dhe ish-bashkëshortes Amber Heard ka marrë fund. Gjykata ka marrë vendimin dhe Johnny Depp ka fituar çështjen e tij për shpifje kundër ish-bashkëshortes Amber Heard.
Sipas vendimit të Gjykatës, deklaratat e Heard për martesën e saj ishin të rreme, të pabazuara në prova dhe përcillnin shpifje për njerëzit e tjerë përveç Depp. Gjykata i ka dhënë Depp 15 milionë dollarë dëmshpërblim.
Por gjithashtu juria e gjeti Depp-in përgjegjës për shpifjen e Heard-it në një pikë, për të cilën juria e urdhëroi atë t’i paguante asaj 2 milionë dollarë si dëmshpërblim.
Johnny Depp paditi ish-bashkëshorten Amber Heard për shpifje për një editorial që ajo ka botuar në vitin 2018 në gazetën Washington Post, ku shkruante se ajo ishte figura publike që përfaqësonte abuzimin në familje.
Artikulli nuk përmendte në emër aktorin, por avokatët e Johnny Depp thanë se indirekt i referohet atij. Heard kundërshtoi ish-bashkëshortin, duke kërkuar nga Johnny Depp 100 milionë Dollarë.
Në Maj të vitit 2016, Amber Heard mori urdhër-mbrojtje pasi pretendoi se Depp e kishte goditur në fytyrë me celular. Aktori hollivudian mohoi këto pretendime të ish-bashkëshortes.
Avokati i Johnny Depp prezantoi prova në gjykatë imazhe dhe audio të Amber Heard ku kjo e fundit pas zënkave me Depp bënte deklarata të tilla si: “Të godita me objekte, nuk të godita me grusht”.
Disa ditë më parë, Depp deklaroi në gjykatë se gjatë kohës që ishte i martuar me Amber Heard, kjo e fundit e ka tradhtuar me Elon Musk dhe aktorin e njohur James Franco.
BREAKING: Jury sides with Johnny Depp in high-profile defamation trial, awarding him $15 million in damages.
Amber Heard was awarded $2 million in compensatory damages. https://t.co/k9swk0wg0m
— ABC News (@ABC) June 1, 2022
