Moderatorja Arbana Osmani ka realizuar një mini-intervistë me ndjekësit e saj në Instagram.
Një ndjekëse e pyeti moderatoren se kush ka qenë tranzicioni apo ndryshimi më i vështirë në jetën e saj, fëmija i parë apo fëmija i dytë e në vazhdim.
“Tranizicioni më i vështirë: 0-1 fëmijë apo 1-2 fëmijë e në vazhdim?”– pyet ndjekësja.
Për moderatoren të pasurit fëmijë është një ndryshim i madh. Ajo ka zbuluar se fëmija i parë ka sjellë shumë ndryshim në jetën e saj.
“Edi thotë si dy, si 4, si 5 njësoj janë. Por nuk i vë ai në gjumë të kuptohemi. As nuk i shikon kur duhet të bëjnë vaksinat a të marrin mjekim.
0-1 ka qenë tranizicion shumë i madh për mua. Mendova se isha e përgatitur për atë por kuptova se të gjithë librat që kisha lexuar për shtatzëninë ndihmuan pak për asgjë.”- shkruan moderatorja.
