Analisti Andi Bushati thotë se përplasja e fundit mes qeverisë dhe Presidentit për mosmarrëveshjen me Greqinë për detin nxori në pah se kryeministri Rama po kërkon që të zgjidhë personalisht dhe në mënyrë të fshehtë këtë çështje.
Bushati tha se Rama mund të jetë i padenjë për të negociuar ashtu siç ka qenë “Berisha i padenjë në marrëveshjen e firmosur në 2009.
“Ne jetojmë në demokraci, në republika parlamentare, nuk mundet t’i vizatojë kufijtë tanë as Berisha dje dhe as Rama sot. Rama padyshim është i padenjë sa kohë këtë kërkon ta zgjidhi personalisht dhe në fshehtësi siç ishte Berisha i padenjë dje kur donte ta zgjidhte personalisht pa pyetur presidentin Topi dhe në fshehtësi”, tha Bushati.
Sipas analistit, kjo çështje i kalon kompetencat e një mandati qeveritar dhe nuk duhet zgjidhur në kulisa të ngushta dhe sipas tij Rama po përsërit gabimin e Berishës.
“Duhet transparencë nuk po vendosjen kufijtë e pronës së Surrelit, po vendosen kufijtë e Shqipërisë”, përfundoi Bushati.
