I ftuar në Task Force në SYRI TV, aktivisti Ervin Goci ka komentuar zhvillimet e fundit politike në vend dhe angazhimin e deputetëve Enkelejd Alibeaj dhe Gazment Bardhit për të vrarë rolin dhe funksionin e opozitës.
Sipas Gocit, me veprimet e fundit Alibeaj dhe Bardhi kanë dalë hapur fare kundër PD-së dhe nuk po dihet se kujt po i shërbejnë, pasi dolën si negociatorë edhe për zgjedhjen e presidentit dhe në fund Taulant Balla i futi një shpullë.
Goci: Problemi është se çfarë bën opozita. Këta zotërinjt Alibeaj dhe Bardhi, atje ka edhe të tjerë por këta që kanë dalë hapur fare, nuk e di kujt i shërbejnë. A kanë më lidhje me PD-në këta? Ky është sabotim i pastër. E keni idenë se sa humb opozita çdo ditë nga këta? Këta duhet të përjashtohen. Ata janë deputetë të PD-së dhe sot sapo bën një akt një veprim i cili i dha dy armët e fundit kundërshtarit, e hoqi dhe një kartë që kishte opozita për ta luajtur, e vranë debatim publik, dolën si negociatorë dhe në fund Taulant Balla i fut një shpullë aty. U vra dhe roli dhe funksioni i opozitës.
