Avokati Spartak Ngjela ka folur për angazhimin e tij në politikë, me Partinë Demokratike. Ngjela rrëfeu edhe shkëputjen politike nga Sali Berisha, duke thënë se ky i fundit shkeli kontratën.
Duke e quajtur joligjore lëvizjen aktuale të Berishës dhe rikthimin e tij në krye të PD, avokat Ngjeka tha në emisionin “Fit Station” në News24 se nuk do të pranonte të bëhej pjesë e kësaj partie, nëse do të kishte ftesë, me këtë staf dhe psikologji politike që ka.
E mban angazhimin me PD?
Jo, u prisha me Saliun, më shkeli kontratën. Politika është kontratë, unë nuk isha në parti të Saliut. Pse mos më dinit vartës? Kisha bërë marrëveshje, doja pozicion politik, kur fitova. Lëre se nuk fitonin dot pa mua, se ata nuk e mundnin dot atë ministrin e Transportit, që munda unë, por prishën kontratën. Prishën kontratën, ka marrë fund loja. Në Angli të vrasin, po të prishësh kontratën. Ku prishet kontrata.
Cili është mendimi juaj për opozitën?
Është e dobët. Kjo lloj opozite, që po bën Saliu, nuk i mund dot socialistët. Të mundësh socialistët, të del shpirti. Unë e di c’kam hequr në 2005, por edhe në 2003. Ata janë të përçarë,s epse nuk luajnë me interesin që të fitojë partia, por që të fitojë Saliu, sepse është ‘non grata’. Ai mendon se po të marrë partinë, do të heqë ‘non grata’, por kjo nuk ndodh, në asnjë mënyrë. ‘Non grata’ është akt juridic, që goditet në gjykatë, Në Gjykatë Federale Amerikane, por ai nuk e goditi, dhe ai ka marrë formën e prerë sot. Ai gabohet, ku cajnë kokë amerikanët se ke marrë ti një parti me 12 mijë veta. A jeni në vete a jo. Po ke bërë krime, që ata I konsiderojnë të rrezishme, ata do ta cojnë deri në fund. Merr dhjetë parti po të duash.
Po zgjedhja e Berishës si kryetar i PD…
Nuk është zgjedhur akoma, ligjërisht nuk është kryetar. Saliu nuk di fare cfarë është ligji. Që të quhet parti ligjore, duhet ta njohë një gjykatë. Ta njohë si person juridik. Ky as e ka ditur këtë fare, vajti bëri një lëvizje, por nuk ka asnjë vlerë ligjore. Ata që ka me vete nuk kuptojnë gjë fare. S’ka vlerë fare. Pa një vendim gjykate, ti s’je parti. Kjo që ka Alibeaj është PD, ai është Këshilli Kombëtar, ajo është Kryesia, tjerat nuk i njeh ligji.
A do bëheshit sërish pjesë e PD, nëse do ju bëhej ftesë?
Jo, nuk do pranoja. Politika është në lëvizje, por me këtë staf dhe këtë psikologji politike që kanë ata, nuk do bëhesha.
