Avokati Genc Gjokutaj komentoi në edicionin e pasdites në Syri Tv vendimin e qeverisë për tu tërhequr nga paditë civile në Gjykatën e Lartë.
Gjokutaj tha se stoku i dosjeve në Gjykatën e Lartë është një realitet negativ i cili në analizë të fundit ka sjellë cënimin e të drejtave themelore të personave në proces.
“Drejtësia e vonuar është një drejtësi e mohuar. Pra edhe drejtësia duhet të jepet në një afat të arsyeshëm me qëllim që interesat, qëllimi i rivendosjes së ligjit të shkelur dhe interesave morale të shkelura, të vendosen sa më shpejt të jetë e mundur.”-tha Gjokutaj.
Sipas avokatit Genc Gjokutaj rritja e numrit të dosjeve të pagjykuara cënon interesat e shtetit dhe shtetasve.
